Plantun de Prouvènço

Pèr coumpara dos planto d'encò nostre

Plantago lagopus & Asperula arvensis

Pèd-de-lèbre

Plantago lagopus

Plantaginaceae

Autre noum : Auriho-de-lèbre.

Noms en français : Pied-de-lièvre, Plantain pied de lièvre.

Descripcioun :
Lou pèd-de-lèbre es uno planto de l'an que trachis dins li pelouso seco e li relarg roucaious. Li fueio blanquinouso soun tóuti basalo, e sort dóu pèd de poulìdis espigueto peludo e argentado (bratèio e sepalo) de 1,5 à 3 cm, que i'an douna soun noum.

Usanço :
Tóuti li fueio de plantage soun bono à manja, lou tout èi que siegon pas trop duro. En Sicilo fan bouli li fueio de pèd-de-lèbre e li servon emé d'òli d'óulivo e de sau (F. Couplan, op.cit. p. 352). Avèn pas d'entresigne segur, mai se poudrié qu'aguèsse li mémi prouprieta medicalo bèn couneigudo de soun cousin, l'erbo-di-cinq costo.

Port : Erbo
Taio : 5 à 30 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Blanco
Petalo : 4
Ø (o loungour) flour : 5 à 15 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero seco - Roucaio - Garrigo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago lagopus L., 1753

Reboulo-sóuvajo

Asperula arvensis

Rubiaceae

Noms en français : Aspérule des champs, Aspérule bleue.

Descripcioun :
La reboulo-sóuvajo, planto coumuno à passa tèms, èi devengudo bèn mai raro e a quàsi despareigudo dins d'ùni relarg malodi li culturo mouderno. Es uno pichoto planto (10 à 30 cm) gaire ramificado que trachis dins li champ de cerealo e que fai de flour bluio. Coumpara emé lou gafarot-di-champ, mai coumun, que ié sèmblo un pau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : verticilado
Tipe bioulougico : Teroufite
Cicle bioulougico : Planto de l'an

Gènre : Asperula
Famiho : Rubiaceae

Coulour de la flour : Bluio
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Champ de cerealo

Liò : Champ - Meissoun
Estànci : Termoumediterran à Mountagnard
Couroulougi : Pancaro entresigna
Ref. sc. : Asperula arvensis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Plantago lagopus & Asperula arvensis

ges

Coumpara Pèd-de-lèbre emé uno autro planto

Coumpara Reboulo-sóuvajo emé uno autro planto